भक्तपुर । विगत २४ वर्षदेखि निरन्तर रूपमा प्रकाशित हुँदै आएको ‘वनिता’ साहित्यिक पत्रिकाले एक विज्ञप्ति प्रकाशित गरी साहित्य, सङ्गीत, रङ्गमञ्च, संचार र शिक्षाका क्षेत्रमा दिइने विभिन्न पुरस्कारको घोषणा गरेको छ । प्रत्येक वर्ष प्रदान गर्दै आइएका विविध विधाका पुरस्कारहरू २०७८ सालमा कोरोना कहरका कारण वितरण गर्न नसकिएको विज्ञप्तिका जनाइएको छ । विज्ञप्तिमा उल्लेख छ, २०७८ र २०७९ दुवै वर्षका पुरस्कार यस वर्ष एकै समारोहमा प्रदान गरिने छ ।

विभिन्न विधामा पुरस्कृत/ सम्मानित हुने व्यक्तित्वहरू यसप्रकार हुनुहुन्छ–

१) वनिताश्री कथा रत्न सम्बुद्ध अभिनन्दन २०७८ (रू.२५,०००/- राशिसहित)
– डा.दयाराम श्रेष्ठ सम्भव

२) वनिताश्री गोपालप्रसाद रिमाल काव्य सम्मान पुरस्कार (रू.१०,०१५/- राशिसहित)
वरिष्ठ कवि, गीतकार दिनेश अधिकारी (२०७८)

३) देवकुमारी थापा बालसाहित्य वनिता पुरस्कार (रू.१०,०००/- राशिसहित)
बाल साहित्यकार प्रभा भट्टराई (२०७८)
बाल साहित्यकार रामदेव पाण्डे (२०७९)

४) वनिताश्री डा.नरेन्द्र चापागाईं समालोचक शिरोवर्ती सम्मान (रू.५,०००/- राशिसहित)
समालोचक डा.शैलेन्दुप्रकाश नेपाल (२ं०७८)
समालोचक डा. दुर्गाप्रसाद दाहाल (२०७९)

५) वनिताश्री देवकुमारी थापा कथा विशिष्ट सम्मान पुरस्कार (रू.५,५५५/- राशिसहित)
कथाकार मातृका पोखरेल (२०७८)
कथाकार इल्या भट्टराई (२०७९)

६) व्यथित काव्य वनिताश्री पुरस्कार (रू.५,०५५/-राशिसहित)
कवि कृसु क्षेत्री (२०७८)
कवि मनोज न्यौपाने (२०७९)

७) वनिता शिक्षा र साहित्य पुरस्कार (रू.१५,०००/- राशिसहित)
शिक्षासेवी गायत्री श्रेष्ठ (२०७८)

८) वनिता बहुआयामिक प्रतिभा पुरस्कार (रू.१५, ०००/-)
बहुआयामी प्रतिभा मोहन अभिलाषीलाई (२०७९ )

९) वनिताश्रीे उन्नती गीतसङ्गीत पुरस्कार (रू.१०,००५/- राशिसहित)
गायिका संगीता थापा शाक्य (२०७८)
नेपाल आइडल सिजन ४ का विजेता भुपेन्द्र थापा मगर (२०७९)

१०) वनिता विशेष वसुश्री–मधु पुरस्कार (रू.५,०००/- राशिसहित)
संचारकर्मी भगवती बस्नेत (२०७८)
रंगकर्मी पुरू लम्साल (२०७९)

११) वनिताश्री पुरुषोत्तमराज पाण्डेय पुरस्कार (रू.१०,०००/- राशिसहित )
गायक जुजुकाजी रञ्जित (२०७८)
साहित्यकार धनकुटे कान्छा (२०७९)

१२ ) वनिता जलेश्वरी बालप्रतिभा पुरस्कार (रू.५०००/- राशिसहित)
राइजिङ स्टार बोर्डिङ स्कुलका साना नानीहरू र प्रिभा रेग्मी (२०७८ र २०७९ को संयुक्त)

१३) वनिता बाल कलाकार पुरस्कार (रू.५०००/-राशिसहित)
कृशला श्रेष्ठ (२०७९)

वनिताका यी पुरस्कारहरूको समर्पण कार्यक्रम वैशाख १७ गते सुकेधारोको युनिभर्सल क्याफेमा एक समारोहबीच गरिने छ । एउटा पुरस्कारको घोषणा हुन बाँकी छ।