https://youtu.be/hO_-IiYv-K4
केही समयअघि आईपीओ निष्कासन गरेकाे महिला लघुवित्त वित्तीय संस्था लिमिटेड र भर्खरै मात्र आईपीओ निष्कासन गरेकाे जीवन विकास लघुवित्त वित्तीय संस्था लिमिटेड दुवै संस्थाले आआफ्नो गत आर्थिक वर्ष २०७७/७८ को चौथो त्रैमासको वित्तीय विवरण सार्वजनिक गरिसकेका छन् ।
दाेश्राे बजारमा महिला लघुवित्तकाे सेयरमूल्य ५ हजार ७ सय ४९ रूपैयाँसम्म पुगेकाे भएर जीवन विकास लघुवित्तकाे सेयरमूल्य पनि लगभग यहाँसम्म पुग्ने लगानीकर्ताहरूले अनुमान गरेका छन् । त्यसैले यी दुई संस्थाहरूकाे वित्तीय विवरण तुलना गरेर हेर्दा प्राय सबै प्रमुख वित्तीय सूचकहरूमा जीवन विकास लघुवित्त अब्बल देखिएकाे छ ।
जीवन विकास लघुवित्त चुक्ता पूँजीकाे आधारमा महिला लघुवित्त भन्दा अगाडी छ । गत आर्थिक वर्षको चाैथाे त्रैमाससम्म आइपुग्दा जीवन विकास लघुवित्तकाे चुक्ता पूँजी ६० करोड ८४ लाख रूपैयाँ छ भने महिला लघुवित्तकाे चुक्ता पूँजी भने १० कराेड रूपैयाँ छ ।
असार मसान्तसम्मको बिवरणमा जीवन विकास लघुवित्तकाे जगेडा कोषमा १ अर्ब ३० कराेड ९४ लाख रुपैयाँ सञ्चित छ उता महिला लघुवित्तकाे जगेडा काेषमा २२ कराेड ८ लाख रूपैयाँ सञ्चित छ । जीवन विकास लघुवित्त जगेडा काेषमा पनि महिला लघुबित्त भन्दा नै अब्बल छ ।
गत आर्थिक वर्षको चाैथाे त्रैमाससम्म जीवन विकास लघुवित्त वित्तीय संस्था लिमिटेडले ६८ करोड ९५ लाख ५८ हजार रुपैयाँ खुद नाफा आर्जन गर्न सफल हुँदा महिला लघुवित्त वित्तीय संस्था लिमिटेडले ९ करोड २९ लाख ८२ हजार रुपैयाँ खुद नाफा आर्जन गरेकाे छ ।
असार मसान्तसम्ममा जीवन विकास लघुवित्तले १ अर्ब ४१ करोड ६७ लाख ११ हजार रुपैयाँ खुद व्याज आम्दानी गरेको छ । महिला लघुवित्त वित्तीय संस्था लिमिटेडले २४ करोड ४ लाख ८३ हजार रुपैयाँ खुद व्याज आम्दानी गरेको छ ।
जीवन विकास लघुवित्तले ३८ कराेड ३७ लाख ४१ हजार रूपैयाँ सञ्चालन मुनाफा गर्दा महिला लघुवित्त वित्तीय संस्था लिमिटेडले १० करोड ६० लाख ८५ हजार रुपैयाँ सञ्चालन मुनाफा गरेको छ ।
गत आर्थिक वर्षको चाैथाे त्रैमाससम्म जीवन विकास लघुवित्त वित्तीय संस्था लिमिटेडले ६७ कराेड १७ लाख १६ हजार रूपैयाँ राइट ब्याक गर्दा महिला लघुवित्त वित्तीय संस्था लिमिटेडले ४ कराेड १५ लाख ६ हजार रूपैयाँ राइट ब्याक गरेकाे छ ।
जीवन विकास लघुवित्तको असार मसान्तसम्म प्रतिसेयर आम्दानी ११३ रूपैयाँ ३४ पैसा पुगेकाे छ । यता महिला लघुवित्तकाे प्रतिसेयर आम्दानी ९२ रुपैयाँ ९८ पैसा रहेकाे छ ।
गत आर्थिक वर्षको चाैथाे त्रैमाससम्म महिला लघुवित्तकाे प्रतिसेयर नेटवर्थ ३२० रुपैयाँ ९० पैसा पुग्दा जीवन विकास लघुवित्तकाे प्रतिसेयर नेटवर्थ ३१५ रूपैयाँ २२ पैसा रहेकाे छ । प्रती सेयर आम्दानिमा भने महिला लघुवित्त जीवन विकास भन्दा अब्बल रहेको छ ।
मूल्य आम्दानी अनुपात (पीइ रेसियाे)
महिला लघुवित्तकाे मूल्य आम्दानी अनुपात ५२.३८ गुणा रहेको छ भने जीवन विकास लघुवित्त मूल्य आम्दानी अनुपात २१.६३ गुणा रहेकाे छ ।
Fursad Times मंगलबार, भाद्र ०१, २०७८
