०७ पौष २०८१, आइतबार
Fursad Times शुक्रबार, फाल्गुण २१, २०७७
बरहथवा -2, सर्लाही अर्थमन्त्री विष्णू पौडेल र उद्योग, वाणिज्य तथा आपूर्तिमन्त्री लेखराज भट्ट कार्यक्रम गर्दागर्दै जनताको आक्रोश बढेपछी कार्यक्रम स्थलबाट लखेटिएका छन् ।
शुक्रबार मन्त्रीद्वय पौडेल र भट्ट मोतीपुर औद्योगिक क्षेत्रको शिलान्यास गर्न रुपन्देही पुग्नु भएको थियो । उहाँहरुले ठूलो सुरक्षा घेरामा रहेर औद्योगिक क्षेत्रको सिलान्यास गर्नुभएको थियो । तर काम गर्नु भन्दा पहिला मायक समाउने काम गर्न उहाँहरुले स्टेजमा लाग्नु भयो र स्टेजमा गएर भाषण गर्न थालेपछि स्थानीयले ढुंगामुढा गरेका थिए ।
मन्त्री पौडेल र मन्त्री भट्टले २ दुई दुई मिनेट पनि भाषण नगरि हिड्नु भएको थियो । स्थानीयले कार्यक्रमको बोर्डका साथै मन्त्री पौडेललाई भुमाफिया भन्दै नाराबाजी गरेको थिए । त्यपछि ओली समुहका कार्यकर्ता र स्थानीयबीच ढुंगा हानाहान हुन थालेपछि प्रहरीले केहीलाई नियन्त्रणमा समेत लिएको बताइएको छ ।
सरकारले स्थानीयले पहिलेबाटै भोगचलन गर्दै आएको जग्गाका विद्यालय, वन, मठ मन्दिरको जग्गामा औद्योगिक क्षेत्र बनाउन लागेपछि स्थानीयले बिरोध गर्दै मन्त्रीहरुको कार्यक्रम बिथोलेका हुन् । त्यस्तैगरी आफूहरुसँग प्रतिबद्धता गरेअनुसारका काम नगरि त्यसको बिपरित र अपार्दर्शी ढंगले काम गरेको स्थानीयको आरोप छ ।
कुनै प्रकारको प्रकृया नै पूरा नगरि सरकारले आफ्नो लोकप्रीयताका लागि शिलान्यास गर्न हतारो गरेको उनीहरुको आरोप छ । केही पनि काम नगरी सत्ता मोहमा मात्र अल्झेको आक्रोशित जनताले आरोप लगाएका छन ।
