भक्तपुर। अछाममा मासु खाँदा घाँटीमा अड्किएर एक जना पुरुषको मृत्यु भएको छ। साँफेबगर नगरपालिका–५ का ४२ वर्षीय डम्मर बहादुर कुँवरको मासु खाँदा घाँटीमा अड्किएर मृत्यु भएको हो। चैते दशैंको अवसरमा घरमा काटेको खसीको मासु खाएका कुँवरको घाँटीमा मासु अड्किएपछि बेहोस भएका थिए। उनलाई शनिबार बिहान बयलपाटा अस्पताल उपचारका लागि लगिएको थियो। अस्पतालका चिकित्सकहरूले शनिबार दिउँसो मृत घोषणा गरेका हुन्।