विशिष्ट श्रेणीको चलचित्रकर्मी परिचयपत्र क-कसले पाए ?

Fursad Times बिहिबार, आषाढ १६, २०७९

भक्तपुर – फिल्म क्षेत्रको सर्वोच्च निकाय चलचित्र विकास बोर्डले ६२ जना फिल्मकर्मीहरुलाई विशिष्ट श्रेणीको चलचित्रकर्मी परिचयपत्र प्रदान गरेको छ । बिहीवार बोर्डले आफ्नो २२औं वार्षिकत्सवमा सूचना तथा सञ्चार मन्त्री ज्ञानेन्द्रबहादुर कार्कीले फिल्मकर्मीहरुलाई परिचयपत्र वितरण गरेका हुन् । बोर्डले यसअघि ४० जना फिल्मकर्मीलाई विशिष्ट श्रेणीको चलचित्रकर्मी परिचयपत्र प्रदान गरिएको थियो ।
दोस्रो चरणमा परिचयपत्र प्राप्त गर्नेहरुमा चैत्यदेवी सिंह, राजाराम पौडेल, सन्तोष पन्त, विकासराज आचार्य, ज्ञानेन्द्र देउजा, नरेन्द्र महर्जन, धिरेन शाक्य, उत्तम केसी, दयाराम दाहाल, नारायण प्रधान, गोपालकाजी कायस्थ, अर्जुन श्रेष्ठ, मनोज केसी, भुवन केसी, उज्जवल घिमिरे, डा. भोला प्रसाद रिजाल, पवन मैनाली, किरण के.सी, मदन घिमिरे, बनिष शाह, हिमाल केसी लगायत छन् ।

पहिलो चरणमा बोर्डले नीर शाह, हरिप्रसाद रिमाल, किरण खरेल, लक्ष्मीनाथ शर्मा, सुभद्रा अधिकारी, मदनकृष्ण श्रेष्ठ, हरिवंश आचार्य, हरिहर शर्मा, सकुन्तला गुरुङ, उद्धव पौडेल, यादव खरेल, भुवन चन्द, बसुन्धरा भुषाल, चेतन कार्की, राजेश हमाल लगायतलाई विशिष्ट श्रेणीको परिचयपत्र प्रदान गरेको थियो । यो परिचयपत्र पाउने ४० फिल्मकर्मीहरुमध्ये चार जनाको निधन भइसकेको छ ।

चलचित्रकर्मी परिचयपत्र वितरण सम्बन्धि कार्यविधि २०७२ अनुसार कलाकर्ममार्फत् राष्ट्रको योगदानको कदर स्वरूप चलचित्रकर्मी परिचयपत्र प्रदान गर्ने उल्लेख छ । कार्यविधिमा विशिष्ट चलचित्रकर्मी, वरिष्ठ चलचित्रकर्मी र चलचित्रकर्मी गरी तीन श्रेणीमा परिचयपत्रलाई वर्णीकरण गरिएको छ । विशिष्ट श्रेणीको परिचयपत्र पाउने फिल्मकर्मीलाई राज्यले विभिन्न सुविधाहरु प्रदान गर्नेछ ।