भक्तपुर – नेपालले आज ओमानविरुद्ध आइसिसी विश्वकप क्रिकेट लिग–२ अन्तर्गतको त्रिकोणात्मक सिरिजमा खेल्दैछ । अमेरिकाको मोसा क्रिकेट मैदानमा नेपाली समयअनुसार राति सवा ९ बजे खेल सुरु हुनेछ । नेपालले पहिलो खेलमा खाएकि हारको बदला लिँदै ओमानलाई पराजित गर्ने लक्ष्याका साथ सिरिजमा पहिलो जित निकाल्न चाहन्छ । जारी सिरिजअन्तर्गत पहिलो खेलमा नेपाल ओमानविरुद्ध १३ रनले पराजित हुँदा अमेरिकासँग बराबरी खेलेको थियो । ओमान भने आज जित निकाल्दै सुखद अन्त्य गर्न चाहान्छ । यसअघि ओमानले अमेरिकासँग १४ रनको पराजय बेहोर्दा हुँदा नेपाल र अमेरिकालाई समान १३ रनले हरायो । नेपाल र ओमान चिरपरिचित प्रतिद्वन्द्वी हुन् । यी दुईले हालसम्म पाँच एकदिवसीय अन्तर्राष्‍ट्रियमा एकअर्काको सामना गरेका छन् । जसमा नेपालले एक र ओमानले चार खेल आफ्नो पक्षमा पारेका छन् ।